Drejtori sportiv i Atletikos së Madridit, Hezus Garsia Pitark, bëri të ditur se shifra në klauzolën që parashikon shitjen e Serxho Agueros është rritur në 60 milionë euro. Edhe pse në moshë fare të re, argjentinasi është shndërruar në yllin e klubit të dytë të kryeqytetit spanjoll. Pitark pohoi se tashmë çdo klub që dëshiron të marrë shërbimet e "El Kun" duhet të paguajë shumën e parashikuar në kontratë. "Vitin e kaluar janë zhvilluar bisedime për të përcaktuar në 55 milionë euro çmimin për largimin e Agueros, ndërsa këtë vit kjo shifër është 60 milionë euro", shpjegoi ai. "Por, lojtari nuk ka paraqitur shenja se dëshiron të largohet".