Rusia ka kryer me sukses testin e një rakete balistike ndërkontinentale. Bëhet fjalë për një raketë, që mund të depërtojë në mbrojtjen anti-raketë që SHBA planifikon ta ndërtojë në Evropën Lindore. Lajmi është komunikuar nga Ministria ruse e Mbrojtjes dhe është konfirmuar edhe nga zëdhënësi i forcave strategjike, Aleksandër Vovk, i cili citohet nga agjencia Ria Novosti. Raketa Topol, është lëshuar rreth orës 14:36, me orën lokale të Moskës (12:36 me orën tonë) nga kozmodromi Plesetsk, në veriperëndim të Rusisë.