Tani bëhet bilanci i dëmeve

Uragani "Gustav" vazhdon të humbasë intensitet. Tani, pasi ka lënë pas Luizianën, klasifikohet si stuhi e kategorisë së parë ose stuhi tropikale. Shirat dhe era e fortë vazhdojnë të përplasen mbi Nju Orlins, pavarësisht se qyteti është tashmë jashtë rrezikut. Në total, gjatë rrugëtimit të tij, uragani ka shkaktuar vdekjen e rreth 100 personave. Ndërkohë, tani fillon bilanci i dëmeve të shkaktuara edhe në SHBA. Bilanci provizor për Luizianën është 7 të vdekur. Katër prej tyre kanë mbetur të vdekur gjatë evakuimit të zonave bregdetare, të urdhëruar nga autoritetet lokale dhe federale dhe që u kanë detyruar largimin nga shtëpitë e tyre rreth 2 milionë personave. Tre viktimat e tjera ishin të sëmurë, në gjendje kritike, dhe kanë vdekur gjatë transferimit në zona më të sigurta. Gjithsej, gjatë kalimit nëpër Karaibe, uragani "Gustav" ka shkaktuar 103 të vdekur, prej të cilëve 77 vetëm në Haiti.