Javët e fundit shumë shfrytëzues janë ankuar për probleme me monitor dhe me virus të pazakonshëm,sepse prapavija në kompjuter errësohej krejtësisht çdo orë.

Mirëpo, diç tjetër është në pyetje këtu. Microsofti ka lëshuar në qarkullim versionin më të ri të programit Microsoft Genuine Advantage i cili, pas detektimit të Windows XP Professional pirat, fillon errësimin e prapavijës së desktopit. Prapavija mund të kthehet në gjendjen e mëparshme, por programi Microsoft Genuine Advantage e kthen përsëri atë në "gjendje të errët" ose të zezë, pas gjashtëdhjetë minutash. Përveç kësaj, WGA i ri vendos edhe një ikonë në pjesën e poshtme të ekranit në të cilën shkruan se shfrytëzuesi mund të jetë viktimë e piraterisë, gjegjësisht softverit të falsifikuar.