Miami Heat i ka dhënë fund rezultateve tmerruese prej 15 humbjeve në varg, duke shënuar fitore të ngushtë prej 98-96 në shtëpi ndaj Indiana Pacers.
“Ndjehem mirë që më fund shënuam fitore”, ka thënë Dwyane Wade, që arriti 35 pikë. “Kemi qenë aq afër fitores për shumë ndeshje, andaj ndjehem shkëlqyeshëm”.
Miami humbi 15 ndeshje në seri, që është rekordi i dytë në gjithë historinë e NBA-së. Mike Dunleavy arriti 25 pikë për Indianan, që shënoi humbjen e 13-të në 17 ndeshjet e fundit.
New Orleans Hornets ka arritur fitoren e tetë në radhë, duke mposhtur San Antonio Spurs me 102-78 në udhëtim. Philadelphia 76ers i dha fund tri humbjeve në varg, pas rikthimit prej 11 pikësh disavantazhi, për të fituar në fund me 103-96 në udhëtim tek Charlotte Bobcats. Edhe Memphis Grizzlies arriti fitore prej 125-120 në shtëpi ndaj Los Angeles Clippers.