Pasi është mbyllur merkato, te Juventusi filloi sezoni i rinovimeve. Kontrata e parë e marrë nën shqyrtim është më "problematikja" për drejtuesit dhe tifozët: ajo e Sebastian Xhovinkos. Alesio Seko e Zhan-Klod Blank u takuan me menaxherët e lojtarit, Paskualin dhe D‘Amiko, ku është folur për një kontratë 5-vjeçare, pra deri në vitin 2013. Palët ende nuk janë dakord te shifrat (Xhovinko paguhet 50 mijë euro në sezon), por synimi është që lojtari të qëndrojë, edhe pse Arsenali vazhdon ta kërkojë.