Paloka: Rama, fajtor për trafikun e rënduar në Tiranë

Partia Demokratike nis parafushatën e zgjedhjeve të përgjithshme parlamentare. Pas një kohe të gjatë pauze në selinë e PD-së, deputeti demokrat, Edi Paloka, ka hapur dyert e selisë blu për të komunikuar deklaratën e radhës nën siglën e PD-së kundër rivalit kryesor Edi Rama. Deputeti Edi Paloka reagoi ndaj situatës së krijuar në disa rrugë të Tiranës, për shkak të punimeve që po kryen Bashkia e Tiranës. Ai fajësoi për këtë gjendje kryebashkiakun Edi Rama, të cilin e akuzoi si "bllokues" të punimeve. "Edi Rama, kur ka qenë me leje, nuk ka lejuar të punohet në këto rrugë, që janë në ndërtim e sipër, duke bllokuar përfundimin e punimeve të tyre. Të jetosh sot në Tiranë është një sakrificë dhe jo një privilegj", u shpreh Paloka. Vonesat në punime kanë krijuar shqetësim dhe vështirësi në lëvizjen e kryeqytetasve dhe në qarkullimin e automjeteve. Kështu, ende vazhdojnë punimet në disa zona të Tiranës, si rruga e "Barrikadave", rruga "Punëtorët e Rilindjes", segmenti rrugor pranë Akademisë së Shkencave dhe në disa akse të tjera në kryeqytet.